Ferill 362. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 595 — 362. mál.
Svar
innviðaráðherra við fyrirspurn frá Indriða Inga Stefánssyni um umferðarslys og erlend ökuskírteini.
Fyrirspurnin hljóðar svo:
Hversu mörg umferðarslys hafa orðið síðastliðin tíu ár þar sem ökumaður er handhafi ökuskírteinis frá landi sem er ekki með samning við Ísland um gagnkvæma viðurkenningu ökuskírteina? Svar óskast sundurliðað eftir ári og eftir því hvort slys urðu á fólki.
Í þessu svari er gengið út frá því að ökuskírteini erlendra ökumanna séu frá sama landi og ríkisfang þeirra segir til um. Ekki liggja fyrir sérstakar upplýsingar um frá hvaða landi ökuskírteini erlendra ökumanna eru. Þá er notast við þá nálgun að erlendir ríkisborgarar frá ríkjum utan Evrópu sem eru með íslenska kennitölu séu búnir að skipta ökuskírteini sínu yfir í íslenskt ökuskírteini.
Í eftirfarandi töflu eru upplýsingar um fjölda umferðarslysa ökumanna sem eru handhafar ökuskírteina frá löndum sem ekki eru með samning við Ísland um gagnkvæma viðurkenningu ökuskírteina. Þau lönd sem hafa gert slíkan samning við Ísland eru lönd innan Evrópska efnahagssvæðisins, Færeyjar, Sameinuðu arabísku furstadæmin, Japan og Bretland.
Ár | Slys með meiðslum | Óhöpp án meiðsla |
Samtals |
2013 | 23 | 105 | 128 |
2014 | 29 | 151 | 180 |
2015 | 60 | 245 | 305 |
2016 | 82 | 459 | 541 |
2017 | 67 | 505 | 572 |
2018 | 69 | 495 | 564 |
2019 | 61 | 343 | 404 |
2020 | 13 | 93 | 106 |
2021 | 35 | 140 | 175 |
2022 | 26 | 316 | 342 |
Samtals | 465 | 2852 | 3317 |